Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши намалување на малопродажните цени на нафтените деривати во просек за 1,29 % во однос на одлуката од 10.03.2025 година.
Малопродажните цени на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) се намалуваат за 1,50 ден/лит. Малопродажната цена на бензините ЕУРОСУПЕР БС-95 и ЕУРОСУПЕР БС-98 не се менува.
Со ова намалување, новите малопродажни цени на горивата се: ЕУРОСУПЕР БС-95 – 74,50 ден/литар, ЕУРОСУПЕР БС-98 – 76,50 ден/литар, ЕУРОДИЗЕЛ (Д-Е V) – 68,50 ден/литар, Екстра лесно масло за домаќинство (ЕЛ-1) – 68,00 ден/литар. Малопродажната цена на Мазутот М-1 НС се намалува за 0,916 ден/кг и сега ќе изнесува 41,345 ден/кг.
