Регулаторната комисија за енергетика и водни услуги на Република Македонија донесе Одлука со која се врши намалување на малопродажните цени на нафтените деривати во просек за 1,13 % во однос на одлуката од 9.05.2022 година.
Малопродажните цени на ЕУРОДИЗЕЛ (Д-Е V) и на Екстра лесното масло за домаќинство (ЕЛ-) се намалуваат за 2,50 ден/лит, додека малопродажните цени на бензините ЕУРОСУПЕР БС-95 и ЕУРОСУПЕР БС-98 и на Мазутот М-1 НС не се менуваат.
Содржината продолжува под рекламата
Според одлуката на РКЕ, од вечер на полноќ ЕУРОСУПЕР БС – 95 и натаму ќе се продава по 90,5 денари/литар, а ЕУРОСУПЕР БС – 98 по 92,5 денари/литар. ЕУРОДИЗЕЛ БС (Д-Е V) ќе чини 87 денари/литар, Екстра лесното масло за домаќинство 1 (ЕЛ-1) 85 денари/литар, а Мазутот М-1 НС 53,848 денари/килограм.
Можеби ќе ве интересира:
