![Veles policiski cas](https://batali.net/wp-content/uploads/2020/03/Veles-policiski-cas-e1584911273897.jpg)
По 15 јуни може да се очекува укинување на полицискиот час и да се дозволи организирање на други настани, како што се концертите, доколку продолжат истите позитивни трендови во врска со ситуацијата со коронавирусот, а во меѓувреме, се подготвуваат и протоколите.
Ваквите најави ги даде министерот за здравство Венко Филипче велејќи дека е одлична вест што последното деноноќие во Скопје не е хоспитализиран ниту еден нов пациент.
„Трендот е речиси еднаков и во другите места во земјата, каде исто така нема притисок врз инфективните одделенија. До следниот состанок на Комисијата за заразни болести ќе работиме со организаторите на разни настани и концерти кои се планира да се одржат во летните месеци, со цел да се изработат соодветни протоколи. Доколку продолжат овие трендови во врска со ковид-19, по 15 јуни може да се очекува дополнително олеснување на рестриктивните мерки. Пред сѐ, мислам на полицискиот час, како и на препораките за организација на настани”, изјави министерот за здравство Венко Филипче.
Можеби ќе ве интересира: