Екипата на Фруитленд Борец запиша значајна победа во плеј-аутот, совладувајќи го Радовиш со 31:24 во битката за опстанок во македонската ракометна елита.
Домашниот состав ја контролираше играта и темпото од самиот почеток, оправдувајќи ја улогата на фаворит против тимот кој ја заврши регуларната сезона на последното место. Борец ја заврши првата половина од натпреварот со предност од 15:9, а дилемите околу победникот беа отстранети со серија од 5:1 на стартот на второто полувреме, што резултираше со убедливо водство од 20:10.
Најефикасен во победничкиот тим беше Марио Миланов со 12 погодоци, а значаен придонес имаше и Гуедеш со пет. Во редовите на Радовиш, Ивица Илиев беше најефикасен со седум голови, додека Лазар Адамовиќ постигна шест.
