Екипата на Фруитленд Борец го забележа 16 пораз овој пат на гостински терен против екипата на Бутел со резултат 35:27, полувреме 15:14 во рамки на 20 коло од Суперлигата и остана на 10 позиција на табелата.
Велешани имаа резултатски егал до 37 минута од натпреварот кога резултатот на семафорот беше 19:19. Но по ова велешани имаа голем пад во играта. Имаа многу грешки во подавањата, а на голот на домашните, нерешлива енигма беше Блажевски кој забележа 17 одбрани. Разликата од минута во минута се зголемуваше за конечни 35:27.
За Фруитленд Борец, Марио Миланов постигна шест гола, а Черубим и Трифуновски погодија по четири пати, кај домаќините браќата Узунчеви искомбинираа 15 погодоци, Димитар девет, Тодор постигна шест. Во наредното коло Фруитленд Борец го пречекува составот на Прилеп.
