Голем пожар помеѓу Богданци и Гевгелија, мештаните бараат помош

Центарот за управување со кризи излезе со повеќе детали за пожарот што се разгоре на местото Погана помеѓу Гевгелија и Богданци. Покрај пожарникарите, на помош се и вработени од Општина Богданци и мештаните.

-Пожарот, заради метеоролошките услови со ветер и теренските услови – непристапност и густа вегетација, се проширил во обем за загрозување на пумната станица за вода Ѓавато за Дојранско Езеро и просторот под големите ветерници во таа околина, како и селото Ѓавато. Побарано е да се активира еден хеликоптер за гаснење на непристапните места, велат од ЦУК.

Заради временски услови и краток временски интервеал на дејствување хеликоптерот нема да полета денес според известувањето на ОЦ на ГШ на Армијата, додаваат од таму. Се планира тоа да се случи утре во 05:00 часот.

Според последните информации пожарот се движи кон куќите во с.Ѓавато.

Можеби ќе ве интересира: