Во 7 часот утрово почна гласањето на осмите локални избори од осамостојувањето на Македонија. Од Државната изборна комисија (ДИК) потврдија дека избирачките места се отворени.
Во Велес 44 950 граѓани со право на глас ќе можат да го остварат своето право на глас на 83 избирачки места. Вчера, ден пред изборите, гласаа затворениците, лицата во домашен притвор, болните и немоќните лица и лицата во старските домови.
Граѓаните во Велес избираат меѓу тројца кандидати за градоначалник и 10 кандидатски листи за членови на општинскиот совет.
