Со препораки да ја одржуваат својата оддалеченост и надвор и внатре во училниците, учениците од средните училишта во Грција се вратија во своите училишта.
Иако носењето маска не е задолжително , дел од учениците се појавија со маска на училиште.
Исто така, соодветно подготвени се и наставниците кои внимаваат да се одржува оддалеченоста и во училницата и кога учениците ќе влезат во училиштата.
Сепак, покрај безбедносните мерки, учениците ќе треба да се навикнат и на камерата што ќе биде дел од училниците од денес, бидејќи ќе има пренос во живо на часовите.
Наставната година ќе заврши на 12 јуни. Дотогаш ќе важат препораките од владата, односно 15 ученици (максимум) по час, посебни паузи, нема игри со топки и затворени кантини.
