Избран е најдобриот судија на Мундијалот во Катар

Италијанскиот судија Даниеле Орсато е прогласен за најдобар судија на Светското првенство во Катар. Тој го презеде признанието од Аргентинецот Нестор Пинтана, кој беше најдобар на Мундијалот во Русија во 2018 година.

Орсато судеше три натпревари на Светското првенство. Италијанецот ја имаше честа да биде главен судија на отворањето на првенството кога домаќинот Катар беше поразен со 0:2 од Еквадор. Истиот резултат беше и на натпреварот од групната фаза меѓу Аргентина и Мексико кога правдата ја делеше и Орсато.

Последниот меч на Орсато на Мундијалот беше полуфиналето меѓу Аргентина и Хрватска, „гаучосите“ беа убедливи, победија со 3:0 и се пласираа во големото финале, каде по изведувањето на пенали ги совладаа Французите и ја освоија титулата.

Можеби ќе ве интересира: