Во дерби натпреварот на кадетската ракометна лига, во спортската сала на ООУ Блаже Конески, Велес, екипите на Фруитленд Борец и Куманово ги поделија бодовите.
Гостите од Куманово поведоа на стартот од натпреварот, но како се приближуваше полувремето, велешани најпрво израмнија, а потоа и го диктираа резултатот за 10:8 на полувреме. И вториот дел кумановчани подобро го отворија, па за брзо ја вратија предноста во своја корист. Пред крајот на натпреварот водството се менуваше на двете страни. Во последните два напади домашниот состав имаше можност и да победи, но не успеаја да реализираат. Сепак резултатот 23:23, е најреална слика на овој натпревар.
Во составот на Фруитленд Борец се истакнаа Андреј Зафиров со седум и Бојан Велјановски со шест погодоци. Кај гостите со 11 постигнати гола се истакна Кристијан Бујчевски. По четири одиграни кола кадетите на Фруитленд Борец се на делба на второто место со екипата на Куманово и сеуште се без пораз во првенството. Во наредното коло гостуваат кај екипата на Алкалоис од Скопје.
