Кадетите на Фруитленд Борец им се вратија на победите, по минатонеделниот пораз од лидерот Еурофарм Пелистер. Денес во спортската сала на ООУ „Блаже Конески“, го совладаа тимот на Овче Поле со резултат 29:21, полувреме 11:7.
Иако велешани го имаа водството во текот на целиот натпревар, отпорот на гостите го скршија на почетокот на вториот дел кога поведоа со 13:7, разлика од шест гола која знаеа умешно да ја сочуваат до крајот на мечот.
Најефикасен кај домашната екипа беше Андреј Зафиров со 10 постигнати погодоци, додека на другата страна Теофил Јанев постигна 14 погодоци. Првенството продолжува на пролет кога велешани гостуваат кај екипата на Вардар 1961.
