Kaj „Дервенски мост” пронајдени 21 мигрант

Полицијата фати 21 мигрант од Пакистан и Индија вчера, кај Дервенски мост во близина на Велес, откако запрела комбе со скопски регистрации на автопатот Градско – Велес. Возачот кој бил од Албанија се обидел да избега, но полицајците веднаш го фатиле, соопшти полицијата.

„На 26.04.2021 околу 10.30 часот на автопатот А1, делница Градско – наплатна станица „Отовица”, пред место викано „Дервенски мост”, полициски службеници од СВР Велес запреле комбе, со скопски регистарски ознаки, управувано од А.Б.(37) од Република Албанија. Возачот се обидел да избега, но веднаш бил фатен и лишен од слобода, а по преглед во возилото биле пронајдени 21 лице – мигранти од Пакистан и Индија“, соопшти МВР.

За настанот бил известен Јавен обвинител и по целосно документирање на случајот против А.Б. полицијата ќе поднесе соодветна пријава.

Можеби ќе ве интересира: