Каменоломот на Техно Павер планира да отвори цементарница во Превалец

Од Управата за животна средина на Министерството за животна средина и просторно планирање до Општина Велес е доставено Барање на мислење за управување на обем по известување на намера за изведување на проект – „Изградба на цементарница во кругот на каменоломот Техно Павер“ за потребите на инвеститорот Техно Павер ДООЕЛ Скопје. До општината, согласно Законот за животна средина, Управата за животна средина се обраќа за консултации, информации и мислење.

Градоначалникот на Општина Велес најави дека поради ова барање, тој во наредните неколку дена ќе ги искористи за утврдување на ставот на општината, во врска со ова чуствиѕелно прашање за жителите на населбата Превалец и населбата Тунел во новиот дел од градот.

Граѓаните од овие населени места подолго време реагираат за загадениот воздух предизвикан од работата на Варницата во Превалец.

Со своја реакција се јави Општинската организација на ДОМ Велес по повод намерата за изградба на Цементарница во каменоломот во Превалец, Велес во која се вели:

“Неприфатливо е да се размислува за позитивно мислење од страна на локалните и националните институции за изградба и ставање во функција на цементарница среде населено место.

Станува збор за цементарница, не за цвеќарница, или фарма за органска храна, или парк на ветерници или фотоволтаици.

Станува збор за цементарница во круг на индустриски капацитет кој на многупати беше посочен како загадувач на воздухот посебно со облаци од прашина од вар на целата населба Превалец и високиот дел од Велес во Урбаната Заедница Тунел и Урбаната Заедница Мирка Гинева – Превалец. Сеуште на интернет постојат видеа од облаците прашина предизвикани од оваа инсталација.”

Можеби ќе ве интересира: