КМФ Кеги Моби направи голем чекор кон опстанокот во Првата футсал лига. Вчера во рамки на 13 коло тие го совладаа составот на КМФ Проект со резултат 4:2, во натпревар кој се одигра во спортската сала „Гемиџии“ во Велес.
Велешани дојдоа во водство во седмата минута преку Мохамед Ахмедов, а веќе во во следниот напад беше 0:2, со голот на Иван Николовски. Домашните намалија преку Кристијан Гавровски во деветата минута, и со тој резултат се замина на полувреме. Во вториот дел најпрво Филип Драскачев донесе предност од два гола за Кеги Моби, а во следниот напада Гавровски повторно го намали водството на велешани. Ангел Гаштев во 30 минута ја потврди победата за Кеги Моби и бегство од последното место на табелата.
По 13 одиграни кола, Кеги Моби се наоѓа на 9 место со 11 освоени бода. Во следното коло во Велес гостува екипата на Јувентус Серава, состав кој му го нанесе првиот пораз на шампионот Форца, во минатото коло.
