Велешкиот тим на ККК Арка Борец доминираше на денешното второ коло во Европскиот куп, во категорија калсик освојувајќи најмногу бодови во екипна конкуренција. Велешани освоија 994 бодови во екипна конкуренција, скоро 250 бода повеќе од второпласираниот тим на Дрина од Србија. Третото место во екипна конкуренција го освои екипата на Чачак од Србија со 530 бода.
Во категорија Ц1, првото место го освои Јанко Пресецки од Хрватска, во категоријата јуниори К1, најдобар беше велешанецот Благој Гугинов, додекa во истата категорија жени најуспешна беше Уна Ликиќ од Србија. Љубомир Спасиќ беше најдобар денес во категоријата сениори К1, а велешкиот тим на ККК Арка Борец во состав Александар Златаров и Благој Гугинов беа најдобри во категоријата Ц2.
Утре на програмата се натпреварите од второ коло во Европскиот куп во дисциплината спринт. Натпреварите ќе се одржат во Градскиот парк со почеток од 9 часот и 30 минути. Во 13 часот и 30 минути се закажани финалните возења.
