Кумановец превезувал седум мигранти од Куба

Синоќа околу 19:20 часот кај наплатната станица Демир Капија, полициски службеници од Полициската станица за граничен надзор Михајлово го лишиле од слобода Ф.А.(40) од Куманово, информираше денеска портпаролот на СВР Велес, Верољуб Додевски.

Тој бил лишен од слобода затоа што при контрола на патничко возило „фолксваген туран“ со кумановски регистарски ознаки, кое го управувал, биле пронајдени седум лица – мигранти од Куба. По преземени мерки, било утврдено дека лицата илегално влегле во Република Северна Македонија, појасни Додевски.

Содржината продолжува под рекламата

Тие биле пренесени во Прифатниот центар Винојуг во Гевгелија за понатамошна постапка. По целосно документирање на случајот против Ф.А. ќе биде поднесена соодветна пријава.

Можеби ќе ве интересира: