Со вкупна инвестиција од близу 26 милиони евра се обезбедува вода за наводнување на 3650 хектари земјоделски земјиште на земјоделците на Велес и Чашка.
Вкупната инвестицијата која ги опфаќа Лисиче, Страиште, Конско и Пепелиште е вредна над 100 милиони евра, од кои 26 милиони евра одат за велешкото Јавнот претпријатие Лисиче.
На денешното потпишување во Владата присуствуваше и Дејан Арсовски, поранешен директор на ЈПВ Лисиче Велес кој што комисиски учествуваше во целокупниот административен процес.
Овој проект е од огромно значење за Велес и околината. Овие 1440 предвидени приклучоци за наводнување на земјоделско земјиште ќе значат живот за земјоделците од овој крај.
„Ова беше огромен административен процес и ми е посебно драго што бев дел од сето тоа и што успеавме да донесеме ваква инвестиција во Велес.
Езерото Лисиче е бисерот на Велес и секоја инвестиција е драгоцена. Овој проект е почеток на многу работи кои што ќе ја гарантираат иднината на езерото”, изјави Дејан Арсовски од ЈПВ Лисиче.
Премиерот Димитар Ковачевски истакна дека четирите нови системи се дел од Програмата за наводнување на Северна Македонија и се протегаат по сливот на реката Вардар. Хидросистемот Лисиче ги опфаќа земјоделците од Велес и Чашка и обезбедува наводнување за 3 650 хекатри, системот Пепелиште опфаќа 3 000 хектари во Неготино и Демир Капија, Страиште 1 500 хекатри во Валандово и најголемиот, Конско, опфаќа 5 500 хектари на подрачјето на општините Гевгелија, Богданци и Дојран
„Реализацијата на оваа Програма е во линија на нашите заложби за создавање модерно земјоделство, по европски терк, со што ги решаваме децениските проблеми на нашите земјоделци. Активностите предвидуваат изградба, рехабилитација и проширување на четири системи за наводнување и изградба на мали хидроцентрали на Лисиче и Конско. Овие системи ќе го зголемат хидропотенцијалот и обемот на земјходелското производство, но ќе ги намалат и економнските загуби, рече премиерот Димитар Ковачевски.
Инвестицијата вредна над 100 милиони евра, ќе се реализира преку Министерството за земјоделство, шумарство и водостопанство. Седумдесет отсто од средствата се поддршка од германската КФВ банка, 80 милиони евра заем и 2,8 милиони евра грант за поддршка на земјоделците и земјоделските задруги во областите опфатени со хидросистемите, додека останатите 30 проценти се од државниот буџет.
Пред денешното потпишување на Договорот со меѓународната консултантска компанија ЦЕС, премиерот Димитар Ковачевски изјави дека реализацијата на оваа програма е дел од заложбите за создавање модерно земјоделство, по европски тек.
Мoжеби ќе ве интересира:
