Новиот албум на Благој Ламњов , Nostalgic Love 2 кој беше издаден на 1 ноември во Шведска од вчера е поставен и на јутуб за бесплатно слушање.
„Албумот веќе еден и пол месец е на официјалните музички платформи (Spotify, Apple Music, Amazon, iTunes, BandCamp, итн). Но знам дека во Македонија најголем дел не се претплатени на овие платформи. Затоа сакав да го поклонам и вториот албум на таа скромна бројка публика која ја имам во Македонија од која добивав многу топли пораки после првиот албум. Сакам да ме следат и понатаму со тоа што е најново кај мене. Сакав да продолжи влијанието кое го има мојата музика во општеството“, изјави Благој Ламњов за нашиот портал Батали.нет.
Новиот албум на Благој, “Nostalgic Love 2” е снимен во Gula Studion (Жолтото Студио) во Малме, Шведска во aприл 2024. За разлика од првиот албум, овој пат Благој сам ги свири сите инструменти: кларинет, клавир, гитара, бас, ударни, eрменски дудук. Сите инструменти се акустични и нема никакви компјутерски програмирани мелодии.
„Целиот абумот е снимен во два дена. Во две нумери се појавуваат и бранови од Јадранското море кои, кои ги снимив на исклучително драго место во Истра, Хрватска. Со се што е во албумот морам да сум емотивно поврзан и да имам некаква приказна или причина, дополни Ламњов“.
Благој е препознатлив по тоа што „покажа една друга димензија на кларинетот„ (според коментарите на слушателите). Тој го меша македонски фолклор со сензибилитетот на западна класична традиција и фразирање, класичниот тон на кларинетот, задржувајќи ја во целост македонската традиција при изведбата на неговите и народните песни.
Целиот албум, Nostalgic Love 2 на Благој Ламњов можете да го погледнете на овој линк. https://www.youtube.com/watch?v=475SbSnkYUY
