Новите подземни контенјнери премногу комплицирани за велешани

Наместо во новите подземни контејнери кои деновиве се поставени на неколку локации во Велес, граѓаните ѓубрето го фрлаат покрај нив. Сликата околу нив е грда, поради расфрланиот смет, кои потоа уличните кучиња и мачки го растргнуваат низ улицата.

Дали граѓаните не знаат како да го отворат капакот на новите контејнери или се работи за стара и лоша навика – вистината е некаде помеѓу. Поради тоа од ЈКП Дервен излегоа со соопштение и кратко упатство за употреба.

,,Апелираме до граѓаните кои живеат во близина на новиот театар Јордан Хаџи Константинов – Џинот, сметот од домаќинствата да го оставаат во новопоставените подземни контејнери кои се лоцирани подолу од новата театарска зграда, на местото каде претходно стоеа садовите за смет, а не околу нив. Начин на употреба: Се притиска педалата, се крева капакот и се остава сметот во кесата.Благодариме однапред“, пишува во апелот на ЈКП Дервен.

Можеби ќе ве интересира: