Деветмесечно бебе од велешкото село Сливник вчера утрината било донесено во детското одделение на Општата болница во Велес без знаци на живот. Случајот бил пријавен во 08:30 часот во СВР Велес, потврдија од полицијата.
Според првичните информации, бебето претходно имало здравствени проблеми. По прегледот, лекарите констатирале смрт без видливи траги на насилство.
По наредба на јавен обвинител, телото на починатото бебе е предадено на обдукција со цел да се утврдат точните причини за смртта.
