За еден ден во велешката болница е примен еден нов пациент со ковид-19, по што бројот на хоспитализирани е 78. Од нив, 50 имаат потврдени позитивни тестови, 19 пациенти се сомнителни, а деветмина имаат негативни брисеви, но се задржани на болничко лекување.
Сепак борбата со ковид-19 ја изгуби уште еден пациент. 71 годишна велешанка починала на Инфективното одделениe во велешка болница. Таа болнички се лекувала четири дена.
Според последниот извештај на Министерството за здравство, во последното деноноќие во Велес се регистрирани нови 36 случаи со коронавирус, а еден велешанец e починат како последица на ковид-19. Во истиот период се регистрирани и 17 оздравени пациенти.
Досегашната ковид статистика за градот е 4081 заразени и 3471 оздравени. Активниот број на ковид случаи е 485, а регистрирани се 125 смртни случаи како последица на коронавирусот.
Можеби ќе ве интересира:
