Се чекаат резултатите за велешанецот кој беше сомнителен за коронавирус

Се чекаат резултатите од тестирањето на коронавирус на велешанецот, кој имаше сомнителни симптоми. Директорот на Центарот за јавно здравје Велес Тони Димитриевски за Батали рече дека резултатите сеуште не се стигнати и дека не може предвреме да се зборува за тоа дали човекот е заразен или не.

Тој смета дека во ваква кризна ситуација, мора да се биде внимателен со информациите и да се објавуваат само проверени информации од релевантни извори.

Димитриевски вели дека во текот на денешниот ден треба да пристигнат резултати од тестови за повеќе лица од Велес и регионот.

Инаку, Батали вчера објави дека маж кој пред 10 дена се вратил од Шведска и кој има симптоми слични на коронавирусот од завчера е хоспитализиран на Инфективното одделение при велешката Општа болница. Имал висока температура и сува кашлица, а добил и мозочен удар.