Скратување на полицискиот час и отворање на летните тераси на угостителските објекти

Наместо како досега до 20 часот, комисијата за заразни болести предлага полицискиот час да биде од 21 часот, но и да се отворат терасите на угостителите и да се служат гости само на отворено.

Инаку, според анализите на Комисијата за заразни болести, епидемиолошката крива е во надолна линија, и има 43 проценти намалување на бројот на нови регистрирани случаи на ниво на целата држава.

„Сепак во болниците се уште има значителен број приеми, притисокот не е толку голем, но треба да се внимава и да не се дозволи преоптоварување посебно заради тешко болните пациенти кои остануваат многу подолго на болничко лекување“, велат од Комисијата за заразни болести.

Во изминатите три недели во земјава има полициски час од 20 часот, и забрана за работење на угостителските објекти.

Можеби ќе ве интересира: