Вчера попладне, на 21 јули 2025 година околу 17:25 часот, во Секторот за внатрешни работи Велес била пријавена сообраќајна несреќа која се случила на крстосницата помеѓу улиците „Методија Андонов Ченто“ и „Борис Трајковски“ во Велес.
Во несреќата учествувале патничко возило марка „Мерцедес“ со велешки регистарски ознаки, управувано од 60-годишниот В.А. од Велес, и мопед „Томос“, исто така со велешки регистарски таблички, управуван од 80-годишниот К.А., исто така од Велес.
Од здобиените повреди, мотоциклистот К.А. се здобил со тешки телесни повреди, кои биле констатирани во Општата болница Велес.
На местото на несреќата извршен бил увид од страна на увидна екипа на СВР Велес, а причините за несреќата се предмет на натамошна истрага.
