Полициски службеници од Секторот за внатрешни работи Велес на вчера околу 18:00 часот го уапсиле А.Р. (34) од Велес, под сомнение дека извршил кражба на алкохолни пијалоци од магацин што припаѓал на угостителски објект во градот.
Според информациите од полицијата, осомничениот одзел различни видови алкохолни пијалоци од просторијата што се користела како складиште. Украдените производи биле пронајдени и вратени на сопственикот.
А.Р. е приведен во полициска станица, а за случајот бил известен и надлежен јавен обвинител. По целосно документирање на настанот, против него ќе биде поднесена соодветна кривична пријава.
