Лошите временски услови вчера ја прекинаа потрагата по лицето кое скокна во водите на Врадар, потрагата треба да продолжи денеска

Тимот нуркачи на МВР од Специјалната антитерористичка единица Тигар поради неповолните временските услови вчера ја прекина потрагата по лицето кое вчера наутро скокна во водите на реката Вардар.

Дваесетина лица од повеќе спасувачки служби учествувале во потрагата по давеникот при што е пребарен текот на Вардар од Ново Лисиче до Долно Лисиче.

Спасувачките служби со чамци го пребарувале текот на реката, а неколку екипи брегот на Вардар. Нуркачки екипи пак ги пребарувале недостапните и длабоки места на Вардар.

Како што соопшти Центарот за управување со кризи (ЦУК), потрагата ќе продолжи утринава заедно со тимови на Црвениот крст и Дирекцијата за заштита и спасување.

Вчера во 6 часот на 112 во Центарот за управување со кризи е добиено известување дека непознато лице од мостот „Близнак” на булевар „Србија” се фрлило во речното корито на Вардар.

Можеби ќе ве интересира: