Владата ќе ја чека Комисијата за заразни болести па ќе одлучува за евентуално нови рестриктивни мерки

Премиерот Зоран Заев денеска не сакаше да прејудицира дали ќе се воведат нови рестриктивни мерки по зголемувањето на бројот на новодијагностицирани од Ковид-19. Во изјава за медиумите истакна дека ќе ги следат препораките на Комисијата за заразни болести.

„За евентуално други рестриктивни мерки ќе ја чекаме Комисијата за заразни болести. Веројатно тие ќе работат денеска и во текот на викендот, а во понеделеник во 9 часот стандардно има состанок  Главниот координативен штаб на Владата каде присуствува и министерот за здравство. Ние ќе ги следиме нивните препораки“, изјави премиерот Зоран Заев.

Имаме еден нов пик, рече Заев, но да видиме што ќе кажат бројките овие денови и конечно кој ќе биде предлогот на Комисијата за заразни болести.

Во последните 24 часа се направени 3.519 тестирања, а регистрирани се 843 нови случаи.

Можеби ќе ве интересира: