Македонски автобус се излизга од автопат и удри во банкина во Србија

Македонски автобус се излизга на автопат во Србија и удри во банкина. Сообраќајната несреќа се случила вчера на местото Појат во Србија поради лошите временски услови. Како што пренесуваат медиумите во Србија нема повредени патници но причинета е материјална штета.

Инаку вчера Србија ја зафатија обилни снежни врнежи кои предизвикаа огромни проблеми низ целата држава. Сообраќајот на автопатот „Милош Велики“ бил во колапс при што на возачите им се препорачувала максимално внимателност.

Јавното претпријатие „Патишта на Србија“ соопшти дека главните патишта се проодни, но на делови од некои патни правци има слоеви снег до 10 сантиметри. Се апелира до сите граѓани кои патуваат низ Србија да ги следат препораките за безбедност и да се информираат за состојбата на патиштата пред да тргнат на пат.