Денеска во земјава ќе преовладува сончево време со ниски утрински температури кои на повеќе места ќе бидат под нулата и ќе има услови за слаба магла по одделни котлини.
Во текот на денот ќе биде сончево и ќе дува слаб до умерен ветар од југоисточен правец. Минималната температура ќе се движи во интервал од -4 степени до 3 степени, а максималната од 13 до 17 степени.
И во среда ќе се задржи претежно ведро време со ниски утрински температури, кои на повеќе места ќе бидат некој степен под нулата. Од четврток облачноста ќе се зголеми и во наредните денови ќе преовладува умерено и на места значително облачно време со постепен пораст, особено на утринските температури. По одделни котлини ќе има услови за утринска магла.
Можеби ќе ве интересира:
