![Borec Sloga Vinica avgust](https://batali.net/wp-content/uploads/saz3518.jpg)
Во периодот пред распадот на поранешна Југославија, и осамостојувањето на Македонија, Велес важеше за еден од најспортските градови во државата, со прволигашки екипи и спортисти кои постигнуваа значајни резултати во домашни и меѓународни натпреварувања.
Повозрасните љубители на спортот воопшто, неволно зборуваат за состојбите во велешкиот спорт. Велат, нема што да кажат, бидејќи спорт во Велес повеќе-нема. По тригодишно натпреварување во прволигашката конкуренција фудбалскиот клуб Борец се натпреварува во Втората фудбалска лига, а со резултатите се очекува и да се натпреварува во понизок ранг.
Содржината продолжува под рекламата
Еден од спортовите со кој Велес се гордееше беше ракометот. Денес ракометниот клуб Борец едвај врзува крај со крај, а се доведе во прашање и натпреварувањето во Првата ракометна лига оваа сезона. За подобри денови на велешкиот ракомет велешани ќе почекаат.
![Borec Astraion](https://batali.net/wp-content/uploads/untitled-33.jpg)
По згаснување на кошаркарскиот клуб Жито Вардар, Велес нема претставник во Првата кошаркарска лига. Борец Баскет е единсвениот претставник во кошарката од градот, но за да се натпреварува во елитата ќе му требаат дополнителни финансиски средства.
![Borec Basket Strumica](https://batali.net/wp-content/uploads/untitled-24.jpg)
Единствени претставници од градот во прволигашките натпреварувања се женскиот фубалски клуб Борец, Одбојкарскиот клуб Борец и футсал клубот Кеги Моби. Одбојкарското и футсал првенството сеуште не се започнати, додека женската екипа на Борец во првите две кола доживеаја два тешки порази и се едни од кандидатите за преселба во понизок ранг.
![ZFK Borec sezona 2023](https://batali.net/wp-content/uploads/305988706_509460464515269_2586248343568613956_n.jpg)
Иако повеќепати беа преземени одредени зафати за санирање на спортската сала „Гемиџии“, нејзината состојба е далеку од потребното ниво, што е само една од причините за исчезнувањето на повеќе екипи кои им припаѓаа на таканаречените „мали“ спортови.
Можеби ќе ве интересира: