Во третото коло од пионерската ракометна лига, група Б, екипата на Фруитленд Борец успеа да го совлада тимот на Еурофарм Пелистер, победувајќи го со 15:10. Амбарков Ѓорѓија со седум гола беше најдобриот поединец кај домаќините.
Фруитленд Борец го имаше водството уште од стартот на натпреварот. Гостите од Битола парираа до полувреме кое заврши 6:4. Во вториот дел домашниот тим само ја зголемуваше предноста за конечни 15:10.
По три одиграни кола, Фруитленд Борец има половичен успех. Во првото коло загубија од екипата на Тиквеш, а во второто коло беа слободни. Ова е прв триумф за пионерите на Фруитленд Борец.
