Полицијата ќе ги чува црквите од верници во време на епидемија

Полицијата ќе врши контроли покрај црквите за време на велигденските празници, откако Владата го зајакна полицискиот час, кој почнува од петок во 16.00 часот и ќе трае до вторник до 05.00 часот.

На Велигднеските литургии во сабота навечер во храмовите присутни ќе бидат само свештениците и новинарите. Сепак, Владата одлучила да го задолжи Министерството за внатрешни работи да ги интензивира контролите околу верските храмови за време на претстојниот празник.

Движењето за време на полициски час без дозвола е казниво со закон, а казните се движат од 2000 евра па се до казна затвор.

Дополнително, Владата го усвоеи предлогот на Главниот координативен кризен штаб според кој, од четврток од 16:00 часот, до 05:00 часот во вторник да се забрани движење и групирање, односно да се затворат сите паркови, излетнички места, места за рекреација во националните паркови и шуми, како и викенд населбите за време на периодот на забраната, со посебен режим на движење за претстојниот празник, а Министерството за внатрешни работи да ги интензивира контролите на овие места.