Поранешниот американски полицаец е виновен по сите точки за смртта на Џорџ Флојд

Во судскиот процес за убиството на Афроамериканецот Џорџ Флојд, поротата донесе одлука според која поранешниот полицаец Дерек Шовин е виновен во сите точки на обвинението, а висината на казната уште не е позната.

Поротата донесе одлука по три недели и сведочење на 45 сведоци, вклучително и случајни минувачи, полицајци и медицински експерти. Состанокот на поротата започна во понеделникот и траеше нешто повеќе од 10 часа.

Дванаесет поротници го прогласија поранешниот полицаец за виновен по три точки. Максималната казна за првата точка не може да надмине 40 години затвор, за втората не повеќе од 25 години, а максималната казна за третата точка од обвинението е 10 години и или 20 илјади американски долари.

Претседателот на САД Џо Бајден ја поздрави пресудата. Во национално телевизиско обраќање, Бајден рече дека смртта на Флојд е „убиство кое ги крена ролетните“ за целиот свет да ги согледа проблемите со расата и полицијата во Соединетите држави.

Бајден повика на „соочување со системскиот расизам и расните разлики што постојат во полициското работење и во систем на кривична правда“. Претходно, Бајден разговараше телефонски со семејството Флојд. Минеаполис и другите градови беа подготвени на можноста пресудата да предизвика слични немири како минатата година, кога милиони низ целата земја се придружија на повеќемесечните протести кои понекогаш преоѓаа во смртоносно насилство и грабежи.

Можеби ќе ве интересира: