Премиерот на Србија, Милош Вучевиќ, денеска пристигна во Скопје, каде што се сретна со премиерот на Северна Македонија, Христијан Мицкоски.
Тоа е негова прва официјална посета на Северна Македонија.
По средбата на двајцата официјални претставници, планирано е потпишување на меморандум за соработка меѓу Министерството за енергетика и рударство на Северна Македонија и Србија.
„Мојата еднодневна работна посета на Република Северна Македонија ја започнав со средба со мојот домаќин, премиерот Христијан Мицкоски. Разговаравме за дополнително унапредување на билатералните односи меѓу нашите две земји и натамошно поврзување на српскиот и македонскиот народ, не само на политички, туку и на културен, економски и инфраструктурен план“, напиша Вучевиќ на својот Инстаграм профил.
Главната тема на разговорите била продлабочувањето на економската соработка, создавање нови можности за граѓаните и инвестирање во идните генерации. Според него, зајакнувањето на врските меѓу народите на Македонија и Србија ќе помогне во создавање долгорочен просперитет и стабилност.
Енергетско поврзување како приоритет
Мицкоски особено ја истакна важноста на енергетското поврзување помеѓу Македонија и Србија, при што се дискутирало за гасниот интерконектор, како и за продуктоводот кој ја поврзува Македонија со соседите.
„Зборувавме за енергетската инфраструктура, особено за изградбата на гасниот интерконектор којшто ќе ги поврзува двете земји и ќе обезбеди дополнителна опција за снабдување со гас на Централна Европа,“ додаде тој.
Мицкоски исто така спомена дека Македонија е во завршна фаза на тендерската постапка за изградба на овој проект со јужниот сосед, кој ќе ја обезбеди земјата со дополнителни извори на енергија.
Можеби ќе ве интересира:
