Претседателот Пендаровски очекува истрага за охридскиот маратон

Од новото раководство на Пливачката федерација на Македонија пред некој ден бев информиран дека тие веќе после една спроведена ревизија на работењето на претходното раководство и организатори на маратонот, имаат поднесено извештаи или кривични пријави до Антикорупциска и до Основното јавно обвинителство. Очекувам, бидејќи станува збор за многу сериозни наводи од тоа што ми беше презентирано од новиот претседател на Федерацијата, дека тоа ќе биде земено веднаш во работа и нема да чекаме години и години да разбереме дали има таму навистина криминал, на што упатуваат ревизорските наоди и изјавите на новото раководство или нема ништо. Тој е таканарачен евентуално криминален дел на организацијата – изјави претседателот на државата Стево Пендаровски.

Тој посочи дека има луѓе во опозицијата кои некои работи не ги разбираат и дека не е возможно да до толку да не разбираат и не прават разлика меѓу покровител, организатор и спонзор.

-Ја сум и денес покровител на Меѓународниот семинар за македонски јазик, литература и култура, но немам никаков контакт со финансиската конструкција на семинарот. Имам уште неколку покровителста и тие ги преземав од моите претходници. Ние можеме неформално да помагаме барајќи од приватни фирми спонзорства, но од Кабинетот на Претседателот не било никогаш одделувано пари и средства за организација на било која манифестација на која претседателот е покровител, појасни Пендаровски.

Можеби ќе ве интересира: