Фудбалерите на Превалец до врв ја наполнија мрежата на Ултрас. Во рамки на одложеното 16 коло Третата фудбалска лига – Југ, Превалец го совлада прилепскиот состав со резултат 9:0. Но разлика можеше да биде и двоцифрена доколку судијата не го прекина овој натпревар во 64 минута поради тоа што гостинскиот тим остана само шестмина играчи во поле.
Натпреварот започна со 30 минутно задоцнување на гостинскиот тим, кој едвај да имаше собрано 11 играчи на овој натпревар. Стефановски Дејан и Спиридонов Давид постигнаа по два погодока, додека по еднаш стрелаа Јордановски Александар, Петров Павле, Драскачев Филип, Крстевски Александар и Стојанов Пеце.
По 16 одиграни кола, Превалец е третопласиран со 31 бод, четири помалку од лидерот Големо Коњари. Во следното коло, кое на програмата е веќе во недела, Превалец ќе гостува во Лажани, кај екипата на Слога.
