Приведен жител на село Ореше осомничен за предизвикување пожар во реонот на село Папрадиште

Полицајци од СВР Велес вчера уапсија педесет годишен жител на село Ореше поради сомнение дека предизвикал пожар.

Содржината продолжува под рекламата

„На 07.08.2024 во 12 часот во Велес, полициски службеници од СВР Велес го лишиja од слобода С.М.(50) од с.Ореше, општина Чашка, поради сомнение дека сторил кривично дело „предизвикување општа опасност“ по член 288 од Кривичниот законик“, соопштија од МВР.

Содржината продолжува под рекламата

Тој се сомничи дека на 06.08.2024 околу 12.00 часот предизвикал пожар во реонот на с.Папрадиште кон с.Ореше, при што изгорела поголема површина со нискостеблеста шума и остатоци од сеча. Од него биле одземени предмети за кои постои сомнение дека се поврзани со делото, а во службен разговор во полициска станица тој го признал делото.

За настанот е известен јавен обвинител и поднесена е кривична пријава за сторено кривично дело „предизвикување општа опасност” по чл.288 од КЗ.

Можеби ќе ве интересира: