Во првото коло од плеј-аутот на ракометната Супер лига што ќе се игра на 2 април, велешкиот клуб Фруитленд Борец ќе гостува кај екипата на Прилеп.
Вака денес одлучи ждребката која се одржа во просториите на Ракометната федерација на Македонија. Во останатите натпревари се среќаваат Пролет против Струга, а повторно ќе ги вкрстат копјата Радовиш и Куманово, овој пат во Куманово.
Фруитленд Борец го заврши регуларниот дел на 10 место и во плеј-аут фазата ќе стартува со еден бод, Пролет ќе започне со 3, Куманово и Прилеп со по 2, додека Радовиш ќе започне без бодови.
