![](https://batali.net/wp-content/uploads/313018176_555078543288237_7264401335780627420_n.jpg)
Превалец без проблем го доби дуелот од 10 коло од Треата фудбалска лига Југ против Росоман со резултат 2:0, полувреме 1:0 и стигна до нова победа на домашен терен. По 10 одиграни кола екипата на Превалец се наоѓа на четвртата позиција на табелата со освоени 22 бода.
Стефче Илиевски во 19 минута го донесе својот тим во водство, а во вториот дел Живко Ѓорѓиевски стрелаше за конечните 2:0. Мора да се напомене брилијантната партија на Ратко Јовановски кој одбрани неколку стопроцентни шанси за гол на гостите.
Содржината продолжува под рекламата
„Одличен натпревар, во кој гостинската екипа прикажа добра игра. Нашата екипа без неколку стандардни првотимци одигра борбено, мотивирано и со поголема желба за победа. По исклучувањето на Кристијан Маневски во 65 минута гостите имаа неколку убави шанси за гол но Ратко денес беше со десет раце и не дозволи да примиме гол“, изјави по натпреварот тренерот на Превалец, Димче Маневски.
До крајот на есенскиот дел од Третата фудбалска лига Југ, останува да се одигра уште едно коло, а екипата на Превалец ќе гостува во прилепското село Лажана кај екипата на Слога, која се наоѓа на шестата позиција на табелата со освоени 14 бода.
Можеби ќе ве интересира: