До сега нема взаемен договор со ресорните министри за прекин на штрајкот на просветните работници и вработените во градинките, изјави на денешната прес-конференција претседателот на СОНК, Јаким Неделков и најави дека е можно попладне да има средба во Владата.
Како што рече лидерот на СОНК, доколку нема договор, штрајкот продолжува и утре. Тој очекува да постигне и договор за динамика на пораст на платите во следните години.
Содржината продолжува под рекламата
Членовите на СОНК штрајкуваат од 11 април, со барање за поголеми плати. Голем дел од родителите, особено оние кои немаат кои немаат кој да им ги чува децата бараат прекин на штрајкот или заменски наставници, кои, за сега, ги има само во мал број училишта во државата.
Содржината продолжува под рекламата
Владата понуди зголемување на платите за 10 проценти, што беше одбиено од СОНК. Од Владата сметаат дека е „неодговорно да се продолжи со генералниот штрајк во образованието и покрај понуденото решение за раст на платите“ и побараа „штрајкувачите да не се донесуваат во заблуда, а наставата и преговорите да продолжат“.
Можеби ќе ве интересира:
