Спортската сала при средното стручно општинско училиште “Коле Неделковски“ од Велес во изминатите три месеци беше место каде се одиграа голем број спортски натпревари во рамките на Сојузот на училишен спорт на Велес и Федерацијата на училишен спорт на Македонија и тоа од општински карактер и натпревари во рамките на Зона Велес – зонски натпревари во организација на Федерацијата на училишен спорт на Македонија.
Според просторните и техничките условите кои се на високо ниво, како загревање на салата, користење семафор за официјални натпревари, современи реквизи за одбојка и кошарка, гардероби, посебен влез во рамките на протоколите предвидени за пандемијата на Ковид 19, во спортската сала при училиштето се организираа општинските натпревари во кошарка и одбојка за машки за средно образование, потоа зонските натпревари во кошарка за основно образование и зонските натпревари во одбојка и кошарка за средно образование.
Содржината продолжува под рекламата
Во рамките на овие пет турнири во спортската сала при училиштето спортуваа и се натпреваруваа повеќе од 200 ученици од градовите Велес. Валандово, Богданци, Гевгелија и Дојран.
Содржината продолжува под рекламата
Како домаќини на гореспоменатите турнири ССОУ “Коле Неделковски“ од Велес во целост дава поддршка на училишниот спорт во Велес и Македонија, кој е дел од воспитно – наставниот процес во рамките на додатната настава предвидена со официјаните програми за работа по предметот спорт и спортски активности и физичкото и здравственото образование, но и во промоција на спортот во Општина Велес.
Можеби ќе ве интересира:
