Судиска четворка од Струмица ќе ја дели правдата на натпреварот на Градскиот стадион„ Зоран Паунов“ во Велес помеѓу екипите на Борец 1919 и прилепска Победа. Главен судија на овој натпревар ќе биде Сашко Ристов , додека негови помошници ќе бидат Стојан Костадинов и Михаил Џорлев. За четврт судија на натпреварот одреден Ристе Сејменов исто така од Струмица.
Овие судии веќе му судеа на Борец во натпреварот против Скопје во Велес кој заврши 2:2, каде направија неколку грешки. Досудија непостоечки пенал за гостинскиот тим, кој Петар Јакимов го одбрани, а по натпреварот додели и црвен картон за Стефан Филиповски.
И за двете екипи овој натпревар е од големо значење во борбата за опстанок во Втората македонска фудбалска лига. Со победа велешани бодовно ќе се приближат кон утрешниот противник, а прилепчани со евентуален поволен исход ќе грабат кон средината на табелата.
Од клубот ги повикуваат сите љубители на фудбалот што помасовно да го посетат овој натпревар и ги бодрат велешките фудбалери. Натпреварот започнува во 14 часот.
