Трагедија во Бугарија: Најмалку 45 лица загинаа во запален автобус со македонски таблички, меѓу нив 12 се деца

Јагленисани тела на над 40 лица кои патувале во македонски автобус, и седум преживеани, е епилогот на страотна сообраќајна незгода по која автобусот рано утрово се запалил на бугарската магистрала „Струма“, во реонот на селото Боснек. Според неофицијални информации загинале 45 или 46 патници од вкупно 52, но точната бројка допрва ќе се утврдува.

Според податоци што македонските власти ги добиле од надлежни институции во Бугарија, автобусот, припаѓал на автобускиот превозник „Беса транс“. Според неофицијални информации, во него имало и македонски и албански државјани.

Содржината продолжува под рекламата

Според Бгнес, меѓу загинатите имало 12 малолетници, меѓу кои и две близначиња. Во несреќата загинал и возачот. Преживеале 7 лица – 2 жени и 5 мажи, чија здравстена состојба се смета за стабилна и се сместени во болницата „Пирогов“.

Содржината продолжува под рекламата

Според неофицијални информации, патниците се враќале од Истанбул. Автобусот синоќа по 21 часот влегол во Бугарија преку граничниот премин Капитан Андреево, (на бугарско-турската граница), а сообраќајна незгода се случила утрово околу 3 часот на магистралата „Струма“ во насока Софија – Благоевград.

Можеби ќе ве интересира: