Со натпреварите од 14 коло, овој викенд стартува пролетниот дел од Третата фудбалска лига – Југ. Екипата на Превалец на домашен терен ќе го пречека составот на Бучин. Натпреварот ќе се одигра на фудбалското игралиште во населба Превалец во недела со почеток од 14 часот.
На останатите натпревари се срeќаваат Младост – Ултрас, Венец – Влазерими Јуниор, Росоман – Башкими, и Слога – Дренов и Големо Коњари – Питу Гули.
Во есенскиот дел од сезоната најдобар беше тимот на Големо Коњари кој освои 28 бода. Веднаш зад Големо Коњари се двата клуба од велешкиот регион, Башкими заостанува 3 бода и Превалец кој заостануваат четири бода зад водечкиот тим. Како што е познато во овој регион од 14 екипи останаа 12, откако Марена пред почетокот на сезоната се откажа од натпреварување, а по неколку одиграни кола од натпреварување се откажа и екипата на Обршани.
