Учениците од основните училишта да се ослободат од задолжителното носење маски, предложи Комисијата за заразни болести

Комисијата за заразни болести ќе препорача до Владата учениците во основните училишта да бидат ослободени од обврската за носење заштитни маски против Ковид-19, соопшти денеска на пресконференција претседателот на Комисијата, Александар Петличковски. Тој информираше дека оваа обврска ќе остане иста за наставниците и техничкиот персонал во училиштата.

Дополнително од Комисијата препорачуваат капацитетот на исполнетост на затворени објекти, како што културните објекти, од 50% да се подигне на 75%, а до Владата ќе препорачаат и да се укине обврската за ковид-сертификати во отворените делови на угостителските објекти.

Содржината продолжува под рекламата

За овие три препораки се очекува да се одлучува на следната владина седница. Македонија останува во портокаловата зона на ризик од инфекција каде во моментов има 9,9 заразени со корона вирус на 100 илјади жители. Ова е границата што не дозволува земјава да влезе во зелената зона и да ги укине другите рестриктивни мерки како и целосното отстранување на маските.

Можеби ќе ве интересира: