Вандализам во прилепската модуларна болница, непознати сторители ја оштетиле таблата за електрична енергија

Прилепската болница до Министерството за внатрешни работи синоќа пријави случај на физичко оштетување на таблата за електрична енергија од модуларната болница, соопшти денеска Министерството за здравство.

Обезбедувањето на болницата забележило дека таблата од надворешната страна на болницата е отворена со хебла и го известиле електричарот од болницата, а веднаш била повикана и полиција.

Струјата во модуларната болница е во функција, бидејќи надворешната табла не врши дотур на електрична енергија на опремата во болницата.

Во модуларната болница има хоспитализирано 17 пациенти, а за среќа вандализмот не довел да биде загрозено здравјето на пациентите.

Од Министерството за здравство апелираат до надлежните институции што побрзо да ги откријат сторителите.

Можеби ќе ве интересира: