Екипата на Горски е новиот освојувач на Купот на ОФЛ Велес, откако во финалниот натпревар го совлада тимот на Младост по изведување пенали со резултат 4:2. Натпреварот во регуларните 90 минути заврши без победник, 1:1.
Горски поведе рано во мечот, кога Боби Андонов стрелаше прецизно во 19. минута и ја донесе предноста на својот тим. Младост израмни во второто полувреме, поточно во 60. минута, со голот на Љупче Мановски со што го врати натпреварот во неизвесност.
По истекот на регуларното време, победникот се одлучуваше преку пенал-рулет, каде што Горски беше поуспешен и со 4:2 ја завери титулата.
