Почна бетонирањето на карпата викана „Цуцка“, на јужниот влез на Велес. Процесот на изведување се врши со таканаречен торкрет бетон, кој се нанесува под силен притисок.
Директорот на Јавното претпријатие за државни патишта Зоран Китанов вчера најави дека работите на санацијата на ова свлечиште ќе завршат во август, два месеци пред предвидениот рок. Санацијата на „Цуцка“ ја финансира државата со околу еден милион евра.
Големиот одрон на „Цуцка“ се случи во март 2018 година. Тогаш, за малку беше избегната голема трагедија, кога неколку секунди пред одронот, на оваа делница поминаа автобус и неколку автомобили.
Погледнете како изгледа бетонирањето на карпата со торкрет бетон:
