![](https://batali.net/wp-content/uploads/novogodisen-ognomet-na-plostad-makedonija-.jpg)
Прифатени се препораките на Комисијата за заразни болести за нов пакет рестриктивни мерки, со цел да се избегне зголемување на бројот на заболени од Ковид-19. Мерката носи име „Празнувај одговорно“, рече Заев на денешната заедничка прес-конференција со министерот Филипче.
Новиот пакет на рестриктивни мерки кои се однесуваат на периодот од 18 декември до 21 јануари, е со цел да се избегне зголемување на бројот на заболени од ковид 19 во престојниот период на празници, а според него наместо како досега до 21 угостителските објекти ќе работат до 18 часот.
Останува на сила и забраната за собири на јавни места и се апелира до единиците за локална самоуправа да го засилат надзорот за почитување и спроведување на оваа мерка. Се препорачува забрана за групирање по плоштади за дочек и прослава на Новата година како и секаков вид на собири во периодот на празниците. А се забрануваат и секакви прослави во рамките на работните организации. Останува и апелот да не се излегува од дома без потреба, но сега по 18 часот.
Можеби ќе ве интересира: