Бакингемската палата денеска објави дека кралицата Елизабета Втора е под медицински надзор бидејќи лекарите се „загрижени за нејзиното здравје“.
Соопштението дојде еден ден откако 96-годишната кралица откажа важен состанок по совет на лекар, кога и беше кажано дека треба да се одмори.
Бакингемската палата соопшти дека на кралицата и е „удобно“ и дека останува во замокот Балморал во Шкотска, каде што го помина летото.
Таа во замокот пред два дена ја назначи новата премиерка Лиз Трас и ја прифати оставката на дотогашниот премиер Борис Џонсон.
Би-Би-Си, кој ја прекина редовната програма, објави дека Бакингамската палата не планира наскоро да каже ништо повеќе.
Грижите за здравјето на кралицата се појавија во октомври минатата година, кога таа откажа планирано патување во Северна Ирска. Оваа година не присуствуваше на бројни настани поради проблеми со движењето, а во меѓувреме го прележа и ковид-19.
Можеби ќе ве интересира:
